| نغمے حبیب کے من اک لے میں گا رہا ہے |
| دل بحرِ عشقِ جاں میں غوطے لگا رہا ہے |
| بیگانہ ما سوا سے کر دے اے میرے مولا |
| ہر غیر مجھ کو راہِ دیگر بتا رہا ہے |
| ٹھاٹھوں میں لگ رہا ہے قلزم کریم کا بھی |
| بطحا سے دل کو شاید پیغام آ رہا ہے |
| جاؤ نسیم جاؤ عطرِ حبیب لاؤ |
| ہجرِ نبی میں سینہ اب جوش کھا رہا ہے |
| کہنا حضورِ والاؐ بے تابیاں گراں ہیں |
| اور حال ما یہ آنسو گر کر دکھا رہا ہے |
| اے بے نیاز قادر شہرِ نبی ہے منزل |
| ٹھیلہ یہ زندگی کا تربت کو جا رہا ہے |
| محمود کی ہے داتا تیرے حضور عرضی |
| کب یار کا بلاوا بطحا سے آ رہا ہے |
معلومات