| خوابیدہ دل کو پہلے تو بیدار کردیا |
| اور پھر مرے وجود کو مسمار کردیا |
| تو جب نہیں تھا زندگی خوشحال تھی مری |
| آمد نے تیری اس کو بھی دشوار کردیا |
| میں زندگی کی شان میں لکھتی رہی غزل |
| اور زندگی نے مجھ کو ہی بیزار کردیا |
| آسائشیں جہان کی اِس پار تھیں سبھی |
| مجھ کو مرے نصیب نے اُس پار کردیا |
| ہر غم سے زندگی نے دلاکر رہائیاں |
| فرقت کے غم میں دل کو گرفتار کردیا |
| دل عادی ہو چکا تھا تنافر کی آگ کا |
| پھر تیرے عشق نے مجھے بیمار کر دیا |
| افسوس دل کی ہم نے ہر اک بات مان کر |
| خود اپنے دل کو ہم نے ہی بیکار کردیا |
| اس نے کہا تھا ساتھ ہمیشہ نبھاؤں گا |
| خلوت پسند دل تھا سو انکار کر دیا |
| عشقِ بتاں پہ تم کو تھے درکار چند شعر |
| وہ کام ہم نے آپ کا سرکار کر دیا |
| شعر و سخن کا شائلؔہ رکھتے تھے ہم ہنر |
| اک نَقصِ ناگزیر نے بے کار کر دیا |
معلومات