| شہزادیاں ہیں گھر کی مرے میری بیٹیاں |
| اک بیٹی اک بہو مری پوتی نواسیاں |
| جس گھر میں ہوں یہ رونقیں بستی وہاں پہ ہیں |
| جب روٹھ جائیں ہوتی ہیں ویران بستیاں |
| والد کی چاہتوں پہ کریں ناز اک طرف |
| چپکے سے دیکھ کر ہنسیں ماں کی چہے تیاں |
| رُخصت ہوں گھر سے پھر بھی تو رہتی ہیں دل میں یہ |
| ان کے بغیر گھر لگے اجڑی ہیں کھیت یاں |
| جی چاہتا ہے پھر سے وہ آ جائیں گھر میں پر |
| جاتی ہیں جب جلا کے یہ جاتی ہیں کشتیاں |
| مہمان بن کے رہتی ہیں جاتی ہیں تو کبھی |
| مہمان بن کے آتی ہیں جب ساتھ ہوں میاں |
| یہ مسکراہٹیں لئے پھرتی ہیں ہر طرف |
| دُکھ اپنے ہونے دیں نہ یہ ماں باپ پر عیاں |
| عورت کا روپ خوب ہے بیوی ہے یا بہن |
| پر ماں کے پاؤں میں ملیں جنّت کی چا بیاں |
| طارق خدا کی نعمتیں ہوتی ہیں بیٹیاں |
| لے کر نوید آئیں یہ جنَّت کی ناریاں |
معلومات