عکسِ جمالِ حق ہے جلوہ سخی نبی کا |
بعد از خدا ہے اعلی درجہ سخی نبی کا |
شہکار لاکھ ہوں گے خلقِ خدا میں ہمدم |
لیکن رہا ہے یکتا نقشہ سخی نبی کا |
رقصاں نظر میں رب کی یکتا جمال ہے جو |
روحِ کتاب سے ہے چہرہ سخی نبی کا |
حسنِ چمن ہے سارا قدموں سے مصطفیٰ کے |
عرشِ بریں نے چوما تلوا سخی نبی کا |
اوجِ فلک پہ آقا قصرِ دنیٰ میں تھے جب |
دیکھا دہر نے اعلیٰ رتبہ سخی نبی کا |
محشر میں طیبہ سے اک آئے گا جو چمن |
ایواں ہے یہ ارم میں روضہ سخی نبی کا |
ارفع کیا خدا نے ہستی میں ذکر ان کا |
درجہ ہے ہر جہاں میں بالا سخی نبی کا |
محمود حرفِ قرآں ربی کلام ہے جو |
رب سے قصیدہ ہے یہ اعلیٰ سخی نبی کا |
معلومات