جی میں ہے یادِ رخ و زلفِ سیہ فام بہت (غزل)
جی میں ہے یادِ رخ و زلفِ سیہ فام بہت
رونا آتا ہے مجھے ہر سحر و شام بہت
دستِ صیاد تلک بھی نہ میں پہنچا جیتا
بے قراری نے لیا مجھ کو تۂ دام بہت
ایک دو چشمک ادھر گردشِ ساغر کہ مدام
سر چڑھی رہتی ہے یہ گردشِ ایّام بہت
دل خراشی و جگر چاکی و خون افشانی
ہوں تو نا کام پہ رہتے ہیں مجھے کام بہت
رہ گیا دیکھ کے تجھ چشم پہ یہ سطرِ مژہ
ساقیا یوں تو پڑھے تھے میں خطِ جام بہت
پھر نہ آئے جو ہوئے خاک میں جا آسودہ
غالب ان زیرِ زمیں میر ہے آرام بہت
اشعار کی تقطیع
تبصرے